रेडियो मिसन, नवलपुर ।
इन्द्रावती गाउँपालिका वडा नम्बर ५ का अपांगता भएका २ जना ब्यक्तिलाई बाख्रा सहयोग गरिएको छ । CBM नेपालको आर्थिक सहयोगमा सप्रोस नेपालद्वारा संचालित समुन्नति परियोजना अन्तर्गत अपाङ्गता भएका ब्यक्तिहरुको लागि जिविकोपार्जन सहयोग अन्तर्गत बाख्रा सहयोग गरेको हो । इन्द्रावती गाउँपालिका वडा नम्बर ५ का भोजप्रसाद आचार्य, कुमार कटुवाललाई बाख्रा वितरण गरिएको गाउँपालिकाका प्रवक्ता एवम् वडा नम्बर ५ का वडा अध्यक्ष शशिनाथ आचार्यले जानकारी दिनुभयो ।
बाख्रा वितरण गर्दै वडा अध्यक्ष आचार्यले पालिकाले संघसंस्थाहरुसंग समन्वय गर्दै विकास निर्माण लगायत जिविकोपार्जन संग सम्बन्धित विभिन्न कार्यक्रम गरिरहेको र त्यस अन्तर्गत अपाङ्गता भएका ब्यक्तिहरुको जिविकोपार्जनमा टेवा पुर्याउनका लागी बाख्रा सहयोग बताउनुभयो ।
व्यावसायिक रुपमा कृषि कर्मगर्ने किसानहरुको लागि विभिन्न अनुदानको कार्यक्रम संचालन गरिरहेको उल्लेख गर्दै समन्वय र सहकार्य गर्दै अगाडि बढ्ने कुरामा गाउँपालिका तथा वडा सकारात्मक आचार्यको भनाई छ । कार्यक्रममा सप्रोस नेपालका सामाजिक परिचालक शम्भु सापकोटा, वडाका जनप्रतिनिधि लगायतको उपस्थिति रहेको थियो ।
