रेडियो मिसन, मेलम्ची ।
स्वास्थ्यका लागी खेलकुद भन्ने मूल नाराका साथ मेलम्ची नगरपालिकाको सहयोगमा सिद्देश्वरी युवा क्लव मेलम्ची नगरपालीका वडा नम्वर ५ भदौरेको आयोजनामा सुरु भएको मेलम्ची नगरस्तरीय भलिबल प्रतियोगिताको दोस्रो दिनका खेलहरु सुरु भएको छ । आजको पहिलो खेलमा सिद्देस्वरी युवा क्लब बि र श्रीजनसिल युवा क्लब मेलम्ची ७ बिच प्रतिस्पर्धा हुने आयोजकले जनाएको छ ।
हिजो भएको खेलमा श्रीजनसिल युवा क्लब मेलम्ची ७, योङस्टार युवा क्लब ज्यामिरे र सिद्देस्वरी युवा क्लब ए टिम बिजयी भएका छन् । श्रीजनसिल युवा क्लब मेलम्ची ७, योङस्टार युवा क्लब ज्यामिरे र सिद्देस्वरी युवा क्लब ए ले क्रमशः जनता मा बि ज्यामिरे, योङस्टार युवा क्लब ज्यामिरे र मेलम्ची ४ थकनीलाई पराजित गरेको हो ।
सोमबार देखि सुरु भएको खेलको भोली बुधवार मेलम्ची नगरपालीकाका प्रमुख आइतमान तामाङको प्रमुख आतिथ्यतामा सम्पन्न हुने आयोजकले जनाएको छ ।
१० टोली सहभागी प्रतियोगिताको बिजेताले ३५ हजार उपबिजेताले २५ हजार र तृतीय स्थान हाँसिल गर्ने टोलीले १५ हजार नगद सहित सबैले कप मेडल र प्रमाणपत्र प्राप्त गर्ने आयोजक संस्थाका सचिव राजेन्द्र ढकालले जानकारी दिनुभयो ।
