रेडियो मिसन l
पाँचपोखरी थाङपाल गाँउपालिका – २, बरुवामा नवनिर्मित सिम्पानी ज्याङ्च्यु छ्योर्तेन राप्ने, समुदघाटन, धर्म गुरु गर्वाङ रेन्पोछे द्वारा वाङ (आयु अभिषेक) तथा बृहत सास्कृतिक कार्यक्रम आज सम्पन्न भएको छ ।
संघिय सांसद मोहनबहादुर बस्नेतको प्रमुख आतिथ्य, बागमति प्रदेश सभा सदस्य कृष्णकुमार तामाङ (समिर), बागमती प्रदेशको निवर्तमान स्वास्थ्य मन्त्री निमा लामाको विशेष आतिथ्यमा तथा वडा नम्बर २ का अध्यक्ष बाबुलाल स्याङ्बाको अध्यक्षतामा कार्यक्रम सम्पन्न भएको हो ।
कार्यक्रममा सम्बोधन गर्नुहुँदै प्रमुख अतिथि बस्नेतले यस क्षेत्रको विकास निमार्ण आफ्नो पहिलो प्राथमिकता रहेको बताउनुभयो । उहाँले मेलम्ची, इन्दवती बाढीले बगाएका पुल निमार्णको जिम्मा आफुले लिएर चाँडै निमार्ण गर्ने प्रतिवद्धता जनाउनुभयो । उहाँले जन अपेक्षा अनुसार चुनावका बेला गरिएका प्रतिबद्धता पुरा गर्ने बताउनुभयो । यसै गरि उहाँहरुले बरुवामा सञ्चालित योजनाहरुको पनि अवलोकन गर्नुभएको वडा अध्यक्ष बाबुलाल स्याङ्बाले जानकारी दिनुभयो ।
