रेडियो मिसन ।
चर्चित रियालिटी शो नेपाल आइडल सिजन–६ को ग्रान्ड फिनालेमा प्रवेश गरेकी गंगा सोनामलाई इन्दा्रवती गाउँपालिकाले १० हजार भेट गरेको छ । शुक्रबार बसेको कार्यपालिका बैठकले सहित युवा प्रतिभा प्रोत्साहन अन्तरगतबाट खर्च हुनेगरी १ लाख रुपैयाँ सहयोग गर्ने निर्णय गरेको थियो ।
इन्द्रावती १० निवासी सोनामलाई नेपाल आइडल जस्तो चर्चित रियालिटी शोको फाइनलसम्म पुग्न सफल भई गाउँपालिका लगायत सिङ्गो जिल्लाकै उच्च बनाएको भन्दै उहाँको प्रतिभा लाई कदर गरि बिजेता बन्न सहोगका लागी उक्त परिमाणको भोट गरेको गाउँपालिकाका प्रवक्ता शशिनाथ आचार्यले जानकारी दिनुभयो । साथै भोटका लागि सबै जिल्ला बासी तथा देश विदेशमा रहनुभएका नेपालीहरु, सामाजिक संघसंस्था, अन्य स्थानीय तहहरुमा समेत आव्हान गर्ने र उहाँलाई ईन्द्रावती गौरवका रुपमा सम्मानित गर्ने निर्णय गरेको प्रवक्ता शशिनाथ आचार्यले जानकारी दिनुभयो ।
गंगा सोनाम सयौं प्रतिस्पर्धीहरूलाई पछि पार्दै नेपाल आइडल सिजन ६ को फाइनलमा उपाधिका लागि अघि बढिरहेको छ ।
भोट गर्ने समय अन्तिम अन्तिममा आइपुगेकोले जतिसक्दो छिटो भोट गरि नेपाल आइडलको उपाधि जित्न सहयोग गरिदिन सबै पक्षबाट अपिल समेत गरिएको छ । भोट गर्ने अन्तिम समय भदौ १५ गते आइतबार बेलुका ८ बजे सम्म रहेको छ ।
