जिल्ला स्तरिय भलिबल प्रतियोगिताको सृजनशिल युवा क्लव छापलाई

* # खेलकुद समाचार समाज सिन्धुपाल्चोक

रेडियो मिसन ।
मेलम्ची ८ क्यौरानीमा सम्पन्न जिल्ला स्तरिय भलिबल प्रतियोगिताको उपाधि सृजनशिल युवा क्लव छापले हात पारेको छ ।
फाइनलमा आयोजक खेल समितीलाई ३–० को सेटमा हराउँदै सृजनशिल युवा क्लव छापले उपाधि माथी कप्जा जमाएको हो । उसले उपधिसँगै नगद एक लाख रुपैया पनि प्राप्त गरेको छ । सृजनशिल युवा क्लव छापसँग २५–२३ २५–२३ र २५–१५ मा पराजित हुँदै उपबिजेता बनेको आयोजकले ६० हजारमा चित्त बुझाएको छ ।
जिल्लाका बिभिन्न स्थाका गरी १७ टोली सहभागी प्रतियोगितामा मेलम्ची ७ दुवचौरले तेस्रो स्थान हाँसिल गरेको छ । नमुना युवा जागरणलाई हराउँदै मेलम्ची ७ दुवचौर तेस्रो भएको हो । सेमिफाइनलमा आयोजक खेल समिती सँग १–३ ले हारेको मेलम्ची ७ ले सिर्जनशिल युवा क्लबसँग पराजित भएको नमुना युवा जागरणलाई ३–० ले हराउँदै तेस्रो स्थान हात पारेको हो । नमुना युवा जागरणलाई २५–१०, २५–१६ र २५–२१ को सोझो सेटमा पराजित गर्दै तेस्रो भएको मेलम्ची ७ दुवाचौरले ३० हजार नगद पुरष्कार प्राप्त गर्दा सान्त्वना भएको नमुना युवा जागरणले १५ हजार प्राप्त गरेको छ । उत्कृष्ट खेलाडीहरुलाई ट्रफी, मेडल, प्रमाण–पत्र रहेको आयोजकले जनाएको छ ।
जलवाई देवी माबिको प्रांगण क्यौरानीमा सोमबार देखि सुरु भएको प्रतियोगिताको वडा अध्यक्ष जितबहादुर तामाङले उद्घाटन गर्नुभएको थियो भने प्रतियोगिताको फाइनल खेल आज मेलम्ची नगरपालिकाका प्रमुख आइतमान तामाङको प्रमुख आतिथ्यतामा सम्पन्न भएको हो । कार्यक्रमका प्रमुख अतिथि तामाङले खेल क्षेत्रमा नगरले सक्दो सहयोग गरोरहेको र यो खेलमा पनि सहयोग गर्ने प्रतिबद्धता जनाउनुभयो । साथै विकास निर्माणकार्यमा नगरपालिका लागि परेको र मेलम्चीको विकासमा आफु र आफ्नो टिम प्रतिबध्द रहेको बताउनुभयो ।

Leave a Reply