१० औ जिल्ला स्तरीय राष्ट्रपति रनिङ शिल्ड प्रतियोगितामा मेलम्ची नगरपालिका तेस्रो भएको छ । ६ स्वर्ण, २ रजत र ८ कास्य पदक सहित मेलम्ची नगरपालिका तेस्रो भएको हो । भलिबल तर्फ मात्रै मेलम्चीले दुई स्वर्ण जित्न सफल भयो । छात्र र छात्रा तर्फ दुबैमा मेलम्चीले स्वर्ण हात पारेको हो । छात्र तर्फ चौतारालाई पराजित गर्दै मेलम्ची प्रथम भएको छ भने छात्रा तर्फ हेलम्बुलाई हराएको हो ।
प्रतियोगितामा चौतारा ४१ स्वर्ण, ११ रजत र १२ कास्य पदक सहित प्रथम र ७ स्वर्ण, २ रजत र ५ कास्य पदक सहित सुनकोसी गाउँपालिका दोस्रो भएको छ ।
जिल्ला स्तरीय राष्ट्रपति रनिङ शिल्ड प्रतियोगिताको समापन प्रतिनिधिसभा सदस्य माधव सापकोटा ’सुबोध ’ को प्रमुख आतिथ्यतामा सम्पन्न भएको हो ।
