रेडियो मिसन, नवलपुर ।
इन्द्रावती गाउँपालिकाले आज सार्वजनिक बिदा दिएको छ । नेपाली कांग्रेस महासमिति सदस्य, पूर्व जिल्ला सभापति बिकाश लामाको निधनमा आज शोक बिदा दिएको गाउँपालिकाले जनाएको छ ।
गाउँपालिकाको कार्यपालिकाको बैठले नै निर्णय गरेर आज सोमबार गाउँपालिका भरि सार्वजनिक बिदा दिइएको हिजो आइतबारको गाउँसभामा प्रमुख प्रशासकिय अधिकृत राम प्रशाद शर्माले सुचना समेत पढेर सुनाउनुभएको थियो ।
“प्रस्तुत विषयमा यस गाउँपालिका वडा नं ९ स्थायी ठेगाना भई ईन्द्रावती गाउँपालिकाको सामुदायिक विकास, समृद्धि र उन्नतीको लागि अहोरात्र लागि रहनु भएका समाजशेवी तथा नेपाली कांग्रेस महासमिति सदस्य, पूर्व जिल्ला सभापति स्वः विकास लामा ज्यूको असमायिक निधन प्रति गहिरो शोक तथा समावेदना प्रकट गर्न यही मिति २०८० साल अषाढ ११ गते सोमवार १ दिन सार्वजनिक विदा दिने निर्णय भए वमोजिम सार्वजनिक विदा भएको व्यहोरा अनुरोध छ ।” सुचनामा भनिएको छ ।
लामाको असार ८ गते शुक्रबार राती उपचारको क्रममा काठमाडौको बिर अस्पतालमा निधन भएको थियो ।
