रेडियो मिसन, मेलम्ची ।
नेपाल भारत मैत्री संघ काभ्रे शाखा गठन तथा कार्यालय उद्घाटनको अवसरमा मण्डन देउपुर नगरपालिका ६ सिपाघाटमा आयोजित रक्तदान कार्यक्रममा ५४जनाले रक्तदान गरेका छन ।
शनिबार नेपाल भारत मैत्री संघ काभ्रे शाखाको आयोजनामा इन्द्रावती सामुदायिक सेवा केन्द्र सिपाघाटमा बृहत् रक्तदान कार्यक्रममा नगरपालिकाका उपप्रमुख बिष्णुमणी नेपाल, वडा नम्बर ६ का अध्यक्ष सोमप्रसाद ढकाल लगायत, स्थानीय, शिक्षक, कर्मचारी लगायत ५४ जनाले रक्तदान गरेको स्थानीय रमेश ढकालले जानकारी दिनुभयो।
नेपाल भारत मैत्री संघका केन्द्रिय अध्यक्ष ओमप्रकाश सरावगीको उपस्थितिमा बिश्वराम श्रेष्ठको अध्यक्षतामा काभ्रे शाखा पनि गठन गरिएको छ ।सचिवमा सुर्यप्रसाद ढकाल, कोषाध्यक्ष उत्तम लामा सहित ७ सदस्य समिती गठन गरिएको नेपाल भारत मैत्री संघका केन्द्रिय अध्यक्ष सरावगीले बताउनुभयो ।
सोही अवसरमा ६० जनाले संघको आजिवन सदस्यता लिनुभएको थियो । रक्तदातालाई केन्द्रिय अध्यक्ष सरावगी प्रमाणपत्र प्रदान गर्नुभयो ।रक्तदान रेडक्रस भक्तपुर शाखाको प्राबिधिक सहयोगमा भएको हो ।
