रेडियो मिसन, लेखर्क ।
नेपालीकांग्रेसका केन्द्रीय सदस्यतथासिन्धुपाल्चोक क्षेत्र नं २ का सांसद मोहनबहादुर बस्नेतले चुनावमा गरेका प्रतिबद्वता सबै पुरा गर्ने बताउनुभएको छ । साङ्छिलिङ गुम्बाब्यबस्थापन समिति पाँचपोखरि थाङ्पाल गाउँपालिका वडा नम्बर ६ लेखर्क द्वारा आयोजित ह्योई ल्हो बिरालो बर्ष२८५९ औं सोनामल्होसार तथा बृहत साँस्कृतिक कार्यक्रमलाई सम्बोधन गर्दै बस्नेतले आफुले बोलेको पहिलो प्रतिबद्वता अनुरुप मेलम्ची पाँचपोखरी जोड्ने बेलिबृज निर्माण हुनलागेको अवगत गराउनुभयो ।
चुनाव जितेपश्चात पहिलो पटक औपचारिक कार्यक्रममा प्रमुख अतिथिको रुपमा पुग्नुभएका बस्नेतले चुनाव जिताएर पठाएकोमा पाँचपोखरी बासीलाई धन्यवाद ब्यक्त गर्नुभयो । एक नम्बर क्षेत्रमा बिकास गरेको आधारमा यस क्षेत्रका नागरिकले अत्याधिक मत दिएर जिताएर पठाएको उहाँले बताउनुभयो ।
“यो पिछडिएको ठाउँको जनताले मलाई यस क्षेत्रमा पुल बनोस, बाटो बनोस, गुम्बा बनोस, मठ मन्दीर बनोस, खानेपानी पर्याप्त होस भनेर मलाई जिताउनुभएको हो”, उहाँले भन्नुभयो,“मतपाईहरुको बिश्वास मर्न दिने छैन” ।
बर्षा नलाग्दै पाँचपोखरीमा पुलबाट मोटर आउने उहाँले प्रतिबद्वता ब्यक्त गर्नुभयो । मेलम्चीबाट भोताङ र भोताङ बाट चौतारा जाने बाटो समेत आफ्नै कार्यकालमा बनाउने उहाँले बताउनुभयो ।
पाँचपोखरी सबैभन्दा पिछडिएको ठाउँ भएको भन्दै बस्नेतले भन्नुभयो “तपाई यो पार्टी त्यो पार्टी नभनि काम गर्नुहोस हामी योजना ल्याउँछौँ” । “मैले चुनावमा बोलेका सबै काम गर्छू, पाँच बर्षमा तपाईहरुको बिस्वास जित्छु”, उहाँले थप्नुभयो ।
नेपाल जातजाती, धर्म संस्कृती, परम्परा, भेषभुषाले सम्पन्न मुलुक भएको भन्दै सबैलाई ल्होछारको शुभकामना दिनुभयो ।
कार्यक्रममा भोताङको २, भोटेनाम्लाङको १ र लेखर्कको १ गरि ४ वटा झाँकि प्रर्दशन गरिएको थियो भने १ वटा लामा नाँच समेत प्रस्तुत गरिएको थियो । साङछिलिङ गुम्बा व्यवस्थापन समितीका अध्यक्ष कान्छा लामाको अध्यक्षतामा भएको कार्यक्रममा ल्होसारको अवसरमा भएका विभिन्न प्रतियोगिताका विजेताहरुलाई प्रमाणपत्र सहित सम्मान समेत गरिएको थियो । स्थानियको उत्साह जनक सहभागिता रहेको कार्यक्रममा विभिन्न स्थानिय तथा राष्ट्रिय स्तरका ख्याती प्राप्त कलाकारहरुले आफ्नो प्रस्तुती प्रस्तुत गरेका थिए ।
