रेडियो मिसन, बाह्रबिसे ।
राष्ट्रिय भूमि आयोग जिल्ला समिति सिन्धुपाल्चोक र बाह्रबिसे नगरपालिकाबीच अन्तरक्रिया सम्पन्न भएको छ । बाह्रबिसे नगरपालिका भित्र रहेको भूमिहीन दलित, भूमिहीन सुकुम्बासीलाई जग्गा उपलब्ध गराउन र अव्यवस्थित बदमासीलाई व्यवस्थित बसोबास गराउन आयोग र नगरबीच अन्तरक्रिया गरिएको राष्ट्रिय भूमि आयोगका जिल्ला समिति सदस्य चित्र मिजारले जानकारी दिनुभयो ।
बाह्रबिसे नगरपालिकाका प्रमुख बालकृष्ण बस्नेतले नगरभित्रका ९ वटै वडामा भूमिहीन दलित, सुकुम्बासीको पहिचान गरी जग्गा प्राप्तिका लागि फाराम भर्ने कार्य भइरहेको बताउनुभयो ।
आयोगका जिल्ला अध्यक्ष पराजुलीले जिल्लाका १२ वटा स्थानीय तहका १०३ वटै वडामा भूमिहीन दलित, सुकुम्बासी पहिचान, लगत संकलन र फाराम भर्ने कार्य भइरहेको बताउनु भएको छ । साथै अव्यवस्थित बसोबासीलाई व्यवस्थित बसोबासका लागि कार्य अघि बढिरहेको जानकारी दिनुभयो ।
जिल्लाको तीन नगरपालिका नौं गाउँपालिकाका १०३ वटै वडामा गई आफू भूमिहीन दलित, सुकुम्बासी भएको फाराम भर्न र व्यवस्थित बसोबासको लागि पनि फाराम भर्न आयोग सदस्य चित्र मिजारले आग्रह गर्नुभएको छ।
