रेडियो मिसन ।
चौथो संस्करणको मालिकादेवी कपको उपाधी धार्पा युथ क्लबले हात पारेको छ । आज भएको फाइनल खेलमा सुनकोशी बि लाई ३–० गोलले पराजित गर्दै उपाधी आफ्नो पक्षमा पारेको हो ।
मेलचौर युवा जागरण समाज चौताराको आयोजनामा कर्तिक ५ बाट सुरु भएको खुल्ला सेभेन ए साइड फुटबल प्रतियोतिाको सेमिफाइनलमा चौतारा स्पोर्टिङ क्लबलाई पेनाल्टीमा ४–३ गोलले पराजित गर्दै धार्पा युवा क्लब फाइनल प्रवेश गरेको थियो भने राई बोइज एफसीलाई पेनाल्टीमै ४–३ ले पराजित गर्दै सुनकोशी बी फाइनल पुगेको थियो ।
धार्पाले उपाधी सहित एक लाख ५५ हजार ५ सय ५५ रुपैयाँ प्राप्त गर्नेछन् । उपविजेतामा सिमीत सुनकोशीले ७७ हजार ७ सय ७७ रुपैयाँमा चित्त बुभाएको छ ।
प्रतियोगिताको उत्कृष्ट खेलाडी धार्पाका सागर तामाङ घोषित हुनुभयो । त्यस्तै सर्वाधिक गोलकर्ता सिएससिका सन्दीप कार्की, उत्कृष्ट मिडफिल्डर धार्पाकै सुमन श्रेष्ठ, उत्कृष्ट गोल रक्षक सुनकोशीका आदेश शिवाकोटी घोषित हुनुभयो । शिवाकोटी फाइनल खेलको उत्कृष्ट खेलाडी समेत हुनुभयो । उत्कृष्ट डिफेन्डर सुनकोशीकै भृगात किरण सिंह, उत्कृष्ट प्रशिक्षक धार्पाका सागर लामा र टिम फियर प्ले राई एफसी घोषित भएको छ ।
