रेडियो मिसन ।
चौथो संस्करणको मालिका देवी कप खुला सेभेन ए साइड फुटबल प्रतियोगिताको सेमिफाइनल पुग्ने टोलिको टुङ्गो लागेको छ । प्रतियोगितामा राई एफसी, सुनकोशी बि, चौतारा स्पोर्टिङ क्लब र धार्पा युवा क्लब सेमिफाइनलमा आयोजक सँस्थाका सचिव सबिन दंगालले जानकारी दिनुभयो ।
आज भएको पहिलो क्वाटर फाइनलमा सुकुटे युवा जागरण मञ्चलाई १–० गोलन्तरले पराजित गर्दै राई एफसी सेमिफाइनल प्रबेश गरेको हो । त्यस्तै आजको दोस्रो खेलमा वारियर्स एफसीलाई पेनाल्टी सुटआउटमा पराजित गर्दै सुनकोशी बि ले पनि सेमीफाइनलमा स्थान बनाएको छ । चौतारा स्पोर्टिङ क्लब पनि पोखरा युवा समाजलाई ५–० गोलको फराकिलो अन्तरले पराजित गर्दै सेमिफाइनलमा पुगेको छ । यस्तै रोयल फेमिलीलाई २–० गोलले हराउँदै धार्पा युवा क्लबले पनि सेमीफाइनलमा स्थान बनाएको छ ।
अब फाइनल प्रवेशका लागि भोली राई एफसी र सुनकोशी बि तथा चौतारा स्पोर्टिङ क्लब र धार्पा युवा क्लब बिच प्रतिस्पर्धा हुने छ ।
कार्तिक १० गतेसम्म सञ्चालन हुने प्रतियोगिताको विजेताले एक लाख ५५ हजार पाँच सय ५५ रुपैयाँ प्राप्त गर्नेछन् । उपविजेताले ७७ हजार सात सय ७७ रुपैयाँ पाउने आयोजकले जनाएको छ ।
