रेडियो मिसन ।
मिनिटिलर बितरण तथा र्मात तालिम मेलम्चीमा सम्पन्न भएको छ । तेर्से सामुदायिक कृषि सहकारी संस्था लिमिटेड मेलम्ची नगरपालिका वडा नम्बर ६ र मेलम्ची नगरपालिका कृषि विकास शाखाको आयोजनामा प्रधानमन्त्री कृषि आधुनिकीकरण परियोजना पकेट विकास कार्यक्रमको आर्थिक बर्ष २०७९/८० मा संचालित मकै पकेट निरन्तरता कार्यक्रम अन्तर्गत ५० प्रतिशत अनुदानमा मिनिलिटर वितरण तथा मिनिलिटर प्रयोग सम्बन्धि तालिम मेलम्ची नगरपालिकाका प्रमुख आइतमान तामाङको प्रमुख आतिथ्यतामा र मेलम्ची नगरपालिकाका उप प्रमुख उमा प्रधानको विशेष आतिथ्यतामा सम्पन्न भएको हो ।
कार्यक्रमका प्रमुख अतिथी एवम मेलम्ची नगरपालिकाका प्रमुख आइतमान तामाङले कृषीलाई यो ट्याक्टरले मात्र पर्याप्त नहुने बताउदै यो ट्याक्टर अनुदानमा लिई रहँदा यसलाई संरक्षण गर्ने जिम्मेवारी संबंधित कृषकको रहेको बताउनुभयो । आफ्नो मात्र खेतवारि संगै छिमेकीको पनि खेत वारि जोत्न सहयोग गर्नेमा आफू बिश्वस्त रहेको बताउनुभयो । उहाँले कृषकहरुलाई सहजताका लागि कृषि शाखा बाट अझ धेरै कार्यक्रम हरु अनुदानमा ल्याएको जानकारी दिनुभयो । प्रमुख अतिथी तामाङले मेलम्ची नगरपालिका भित्र रहेका ठाउँमा आबश्यक बजेट नगरपालिकाबाट नगर प्रमुख तथा उपप्रमुख आफै अनुगमनमा आएर आबश्यकता अनुसार बजेट बिनियोजन गर्ने प्रतिबद्धता ब्यक्त गर्नुभयो ।
कार्यक्रमका विशेष अतिथी एवम मेलम्ची नगरपालिकाका उप प्रमुख उमा प्रधानले ट्याक्टर आधुनिकीकरण तरिकाले खेती गर्न सहयोग पुग्ने बिश्वास व्यक्त गर्नुभयो । किसानको माग अनुसार ५० प्रतिशत अनुदानमा सामग्री उपलब्ध गराइएको बताउनुभयो । भौतिकसंगै कृषिलाई पनि प्राथमिकतामा राखिएको प्रधानको भनाइ छ । उहाँले आउँदा कार्यक्रम हरुमा ट्याक्टर मात्र नभै नगरपालिकाले गाई, भैंसी पनि कृषकहरुलाई अनुदानमा दिने हुनाले यस तिर पनि ध्यान दिन आग्रह गर्नुभयो ।
तेर्से सामुदायिक कृषि सहकारी संस्था लिमिटेडका अध्यक्ष सुनिता पराजुली देउजाको अध्यक्षतामा भएको कार्यक्रममा मेलम्ची नगरपालिका वडा नम्बर ६ का जनप्रतिनिधि वडा सचिव स्थानिय लगाएतको उपस्थिति रहेको मेलम्ची नगरपालिका कृषि विकास शाखाका प्रमुख अमरनाथ आचार्यले जानकारी दिनुभयो । कार्यक्रममा कृषकहरुको माग बमोजिम २३ वटा ट्याक्टर वितरण गरिएको आचार्यले जानकारी दिनुभयो ।
