सिन्धुपाल्चोक ।
नागरिक समाज सिन्धुपाल्चोकले जेन – जी पुस्ताको आह्वानमा सुरु भएको आन्दोलन र हाल देशमा उत्पन्न राजनीतिक परिस्थितिप्रति हाम्रो गम्भीर ध्यानाकर्षण भएको जनाएको छ । समाजले जेन – जीको नाममा भएको उक्त घटनाबारे स्वतन्त्र, निष्पक्ष र पारदर्शी छानबिन गर्न उच्चस्तरीय अनुसन्धान आयोग गठन गरी दोषीमाथि कठोर कानूनी कारबाही गर्न जोडदार माग समेत गरेको छ ।
साथै विगतका नेतृत्वस्तरमा भएका त्रुटिहरूलाई पुनः दोहोर्याउने छुट नभएको र यथार्थलाई आत्मसात् गर्दै, इतिहासबाट शिक्षा लिनु सबै पक्षहरूको साझा जिम्मेवारी भएको बताएको छ ।
भविष्यमा यस्ता घटना दोहोरिन नदिन, नागरिकको जीवन र सम्पत्तिको संरक्षण, शान्ति र सुव्यवस्था कायम राख्न सुरक्षा निकायसहित सबै सरोकारवालाहरूमा अपिल गरिएको छ । यस विषम परिस्थितिमा संयमता र जिम्मेवारीबोधसहित नेपालको सार्वभौमसत्ता, भौगोलिक अखण्डता, संघीयता, लोकतन्त्र र मानवअधिकारको रक्षा गर्दै राष्ट्रिय स्थिरता र शान्ति कायम गर्न सबैलाई आह्वान गरेका छ ।
