फूर्के सल्ला सामुदायिक वन उपभोक्ता समूहको हेलम्बु-४ को ७ औं साधारणसभा र अधिवेशन सम्पन्न भएको छ। उक्त कार्यक्रममा नयाँ नेतृत्व चयन गरिएको छ ।
अधिवेशनबाट गोसर बहादुर कार्की अध्यक्षमा निर्वाचित हुनुभएकाे छ । त्यस्तै नानी बहादुर देउजा उपाध्यक्ष, बाल कुमारी देउजा सचीव, सन्चमान तामाङ कोषाध्यक्ष, र कालुमान तामाङ सहसचीवको पदमा चयन हुनुभएकाे छ।
सदस्यहरुमा केशव भट्टराई, आशाराम तामाङ, रामहरी लामिछाने, कलावती थापा, र लक्ष्मी लामिछाने निर्वाचित भएका छन्। नयाँ नेतृत्वका सदस्यहरूले सामुदायिक वनको विकास र संरक्षणका लागि समर्पित भावनासहित काम गर्ने प्रतिवद्धता जनाउनुभएकाे छ।
कार्यक्रमको प्रमुख अतिथिका रूपमा हेलम्बु गाउंंपालिका वडा नम्बर ४ का वडा सदस्य, सिता सुनुवार उपस्थित हुनुहुन्थ्यो । कार्यक्रममा प्राकृतिक स्रोत द्वन्द्व रुपान्तरण केन्द्र नेपाल द्वारा सहजिकरण गरिएको थियो।
सामुदायिक वन उपभोक्ता समूहको यो बैठकले स्थानीय प्राकृतिक स्रोतको संरक्षण र व्यवस्थापनमा अझ प्रभावकारी कदम चाल्नका लागि उपभोक्तासँगको समन्वयमा महत्त्वपूर्ण भूमिका निभाउने अपेक्षा गरिएको छ।
