घाँसको भारीले थिचेर मेलम्ची ३ मा एक महिलाको मृत्यु

विविध

मेलम्ची
मेलम्चीमा घाँसको भारीले थिचेर एक जना महिलाको मृत्यु भएको छ । मृत्यु हुनेमा मेलम्ची नगरपालिका ३ तल्लो दहपोखरीका राजेन्द्र तामाङकी श्रीमती २५ वर्षीय सन्तोकी मायाँ तामाङ रहेको प्रहरीले जनाएको छ ।

तामाङको सोमबार घरबाट ३०० मिटर पूर्वतर्फ भिरालो पाखोमा घाँसको भारीले थिचेर मृत अवस्थामा देखेपछि स्थानीयले खबर गरेका थिए ।

प्रहरीको टोलीले घटनाको बारेमा जानकारी पाएपछि घटनास्थलमा परिचालन भई घटनास्थल लासजाँच प्रकृति मुचुल्का लगायतको प्रारम्भिक अनुसन्धान कार्य गरी घटनाबारे थप अनुसन्धान भइरहेको जनाएको छ ।

Leave a Reply