रेडियो मिसन, मेलम्ची ।
२ हप्ता भित्र मेलम्चीमा बेलिबृज निर्माण कार्य सम्पन्न हुने सिन्धुपाल्चोक क्षेत्र नं २ बाट निर्वाचित सांसद तथा स्वास्थ्य तथा जनसंख्या मन्त्री मोहन बहादुर बस्नेतले बताउनुभएको छ ।
आज मेलम्चीमा निर्माणाधिन बेलिबृज को निरिक्षण पश्चात् बस्नेतले सो कुरा बताउनुभएको हो । निरिक्षण पश्चात् सामाजिक सञ्जाल फेसबुकमा एक स्टाटस पोष्ट गर्दै अवको २ हप्ता भित्र नेपाली सेनाले पुलको निर्माण कार्य सम्पन्न गर्ने जानकारी दिनुभयो ।
मेरो चुनावी प्रतिबद्धताहरुको पहिलो प्राथमिकतामा रहेको मेलम्ची, हेलम्बु, पाँचपोखरी र चौताराका विभिन्न भु-भाग जोड्ने मेलम्ची बेलिबृजको निर्माण कार्यको सुरुवात भएको छ र अबको करिब २ हप्ता भित्र नेपाली सेनाले उक्त निर्माण कार्य सम्पन्न गर्ने कुरा सम्बन्धित सम्पुर्ण दाजुभाई, दिदिबहिनीहरुमा जानकारी गराउँदछुू सामाजिक सञ्जाल मार्फत उहाँले भन्नुभयो ।
साथै उहाँले उक्त पुलबाट लाभान्वित हुने सम्पुर्ण उपभोक्ताहरुलाई बधाई समेत दिनुभएको छ ।
